ཕྱི་རྐྱེན།

ཕྱི་རྐྱེན། རྩོམ་པ་པོ། རྨེའུ་དཀོན་རྒྱམ།
༡༽ ས་ཆ་དུམ་བུར་བཅད་དེ། །
རིགས་མཐུན་སྤུན་ཟླའི་བར་ལ། །
ལྕགས་རྭ་བཙན་གྱིས་འཐེན་པས། །
ནང་དམེ་འཁྲུག་རྩོད་མང་གི །
༢༽ངན་བྱུས་གཏིང་ཟབ་བཀོལ་དེ། །
ང་ཚོའི་ས་ཆུའི་ཕྱོགས་སུ། །
མི་སེར་མང་བོ་སྤོར་བས། །
བོད་ལས་གཞན་རིགས་མང་གི །

༣༽ ཕ་མེས་བཏོད་པའི་སྐད་དེ། །
འུ་ཚོས་བཀོལ་ས་དོག་ལ། །
གཞན་ཡིག་བེད་སྤྱོད་ཆེ་བས། །
གཞན་སྐད་བཤད་མཁན་མང་གི །

༤༽ ཁ་ནས་སྤྱི་དོན་བཤད་དེ། །
ལག་ལེན་སྒོར་མོར་ཐུག་ན། །
སྤྱི་སེམས་ཡེ་ནས་བོར་བས། །
འཁྲམ་སྟོན་སྣ་ཚོགས་མང་གི །

No comments:

Post a Comment