ཇེ་ཉེ་ཇེ་ཆེ་རེད།

༈ ཇེ་ཉེ་ཇེ་ཆེ་རེད། རྩོམ་པ་པོ། འཆམ་ར་དྲི་མེད་རྒྱལ་མཚན།
ཕུ་རིའི་ཕུ་ལ་བལྟས་པས།
ཞབས་རྗེས་རེ་རེ་སྲིད་པའི་གངས་ལ་གཏོད་འདུག
རླུང་དམར་རྒྱག་ཐེངས་རེ་རེ།
མེ་ལྕེ་འབར་ཐེངས་རེ་རེ།
ཞབས་རྗེས་རི་མོ་ཇེ་གསལ་ཇེ་གསལ་རེད།
སེམས་ཀྱི་ཁ་ཐག་ཇེ་ཉེ་ཇེ་ཉེ་རེད། 

འདབས་རིའི་འདབས་ལ་བལྟས་པས།
ཞལ་ཆེམས་རེ་རེ་སྔོན་མོ་གནམ་ལ་བྲིས་འདུག
སྤྲིན་ནག་འཁྲིགས་ཐེངས་རེ་རེ།
དྲག་ཆར་འབབ་ཐེངས་རེ་རེ།
ཞལ་ཆེམས་དྲོན་མོ་ཇེ་གསལ་ཇེ་གསལ་རེད།
ཉི་མའི་འོད་སྣང་ཇེ་ཉེ་ཇེ་ཉེ་རེད།
༢༤་༤་༢༠༡༣

No comments:

Post a comment