མཇལ་སྐོར་ཨེ་སོང་།

༈ མཇལ་སྐོར་ཨེ་སོང་། རྩོམ་པ་པོ། འཆམ་ར་དྲི་མེད་རྒྱལ་མཚན།
དབུས་ལ་རྩེ་སྐོར་སོང་ཡིན། ། ལྷ་སའི་ཇོ་བོ་མི་འདུག །
ལྷ་སྲས་ཨུ་དུམ་བཙན་པོའི། །
ལྷམ་གོག་གཡོན་པ་མཇལ་སོང་། །

ལྷམ་ལ་མཛེེར་བུ་བརྡུངས་ནས། །

རྔུལ་ཆུའི་ཟུར་ན་དཔྱོང་འདུག ། 

དགོངས་སེལ་བྲང་གོག་རྔ་རྡུང་།

༄།། དགོངས་སེལ་བྲང་གོག་རྔ་རྡུང་། རྩོམ་པ་པོ། འཆམ་ར་དྲི་མེད་རྒྱལ་མཚན།
ཁ་ལ་བཀྲ་ཤིས་བདེ་ལེགས་གཡང་ཞིག་ཆགས།། ལག་ལ་ཕྱིན་ཅི་ལོག་གི་མུན་པ་འཁྲིགས།།
གྲོད་སྤུ་ལྟ་བུའི་ཁ་ནག་འདི་ཚོའི་རིགས།། གོ་ཐལ་ཞིག་གིས་ཁ་དང་སྣ་ཁུངས་ཆོད།།
བཙན་པོའི་བང་སོ་མདུན་ན་བསང་ཞིག་ཐོངས།། 

དུག་རླངས་འཐིམ་པའི་སྤྱི་ཚོགས།

༄།། དུག་རླངས་འཐིམ་པའི་སྤྱི་ཚོགས། རྩོམ་པ་པོ། འཆམ་ར་དྲི་མེད་རྒྱལ་མཚན།
དེང་སང་རྣ་བའི་རྩ་ན་ཁ་རེ་སྦྱར། །
ཁ་ལ་མེ་སྒྱོགས་སྟོང་གི་མཐུ་མེད་ཀྱང་། །
དེ་ལ་རྫས་མདེལ་འབུམ་གྱི་ཤུགས་ཡོད་པས། །
ཁྱེད་ཀྱི་ཁ་དེས་ཅི་ཞིག་ཡོག་རྩིས་ཡོད། །
བོད་ལ་བོད་པའི་ལྐོག་གཏམ་ཞེ་རེ་སྐྱོ། །

པོ་ཏཱ་ལས་བཙན་པོ་དྲན་པ།

༄།། པོ་ཏཱ་ལས་བཙན་པོ་དྲན་པ། རྩོམ་པ་པོ། འཆམ་ར་དྲི་མེད་རྒྱལ་མཚན།
པོ་ཏཱ་ལ་ཡི་ལོ་ན་རྒས་སོང་ཁ་སྤུ་བཏོགས་བྱུང་།།
རི་བོའི་རྩེ་ནས་རྒྱང་བལྟས་བྱས་སོང་རེ་སྒུག་ཟད་མེད།།
མཚན་ནམ་དཀྱིལ་ནས་འཇབ་ཉན་བྱས་ཡོད་ཡིད་ཆེས་བརླགས་མེད།།
ཆུ་འགོ་སྦུགས་ནས་རུལ་དྲི་ཁ་སོང་ཕོ་བྲང་འདར་བྱུང་།།
འདར་བཞིན་འདར་བཞིན་མིག་ཆུ་ཤད་བྱུང་བཙན་པོ་དྲན་སོང་།།

སེམས་ཀྱི་རྒྱང་འབོད།

༄།། སེམས་ཀྱི་རྒྱང་འབོད། རྩོམ་པ་པོ། འཆམ་ར་དྲི་མེད་རྒྱལ་མཚན།
ངའི་ཨ་ཕོ་ས་མཐའི་ཡུལ་ན་ཡོད།། སེམས་བསམ་པ་འདི་ཡི་ཕུགས་ན་ཡོད།།
སེམས་བསམ་པས་ཁ་རྒྱ་ཆོད་ན་ཡང་།། མིག་ཁྲ་ཆུང་མཆི་མས་མི་བཟོད་འདུག།
རྟ་འདོ་དགའ་གཡང་གིས་བསྲུང་རྒྱུ་ཁྱོད།།

རླུང་བསེར་བུ་གཤགས་ནས་རྒྱུག་རོགས་གྱིས།།

ལྷ་ཡུལ་མིན་པའི་དབོན་པོ་སྟོད།

༄།། ལྷ་ཡུལ་མིན་པའི་དབོན་པོ་སྟོད། རྩོམ་པ་པོ། འཆམ་ར་དྲི་མེད་རྒྱལ་མཚན།
གཡུ་དྲུག་དཀར་ལེབ་ལེབ་བྱས་ནས་ས་ལ་འདིང་ཡོད།།
རྩི་མེ་ཏོག་རུབ་རུབ་བྱས་ནས་ཐང་ལ་བཀྲམ་ཡོད།།
སྨན་བུ་མོ་མཛེས་མཛེས་བཟོས་ནས་སྤང་ཁར་མངག་ཡོད།།
ལྷ་ལྷ་མོའི་ཞིང་ཁམས་མ་རེད་དབོན་པོ་སྟོད་རེད།།

གླུ་དབྱངས་ཀྱི་སྲས་མོ།

༄།། གླུ་དབྱངས་ཀྱི་སྲས་མོ། རྩོམ་པ་པོ། འཆམ་ར་དྲི་མེད་རྒྱལ་མཚན།
ངག་གི་དབྱངས་རྟ་དབྱངས་ཅན་ལྷ་མོས་བཟུང་ཡོད།།
འཇོ་སྒེག་སྟོང་གིས་སྙན་པའི་རོལ་མོ་འཁྲོལ་ཡོད།།
དགའ་སྐྱོ་འབུམ་གྱི་ཚོར་བ་ཐང་ལ་བཀྲམ་སོང་།།
འཇམ་དབྱངས་སྒྲོལ་མ་སེམས་ཀྱི་གཏིང་ན་སྙན་བྱུང་།།

ཕོ་རྒོད་འབོད་པའི་གད་རྒྱངས།

༄།། ཕོ་རྒོད་འབོད་པའི་གད་རྒྱངས། རྩོམ་པ་པོ། འཆམ་ར་དྲི་མེད་རྒྱལ་མཚན།
སྟག་ཤ་ར་ཤ་རྒོད་དཔུང་པ་ཅན།། དཔའ་ཡོད་ན་དཔུང་པ་ངོམ་རན་སོང་།།
ཕྱིའི་དགྲ་བོས་ཕ་ས་འཕྲོགས་ཚར་སོང་།། འཕྲོགས་ཚར་ནས་རྒྱ་གྲོང་བཟོས་ཚར་སོང་།།
དུས་ད་ནི་མེད་ན་མེད་ལེ་ཡིན།།

དཔའ་རྒོད་ཁྲག་གིས་ཚོས་པའི་ཞལ་ཆེམས།

༄།། དཔའ་རྒོད་ཁྲག་གིས་ཚོས་པའི་ཞལ་ཆེམས། རྩོམ་པ་པོ། འཆམ་ར་དྲི་མེད་རྒྱལ་མཚན།
ད་བུ་ཁྱོད་མ་འདུག་རི་ལ་སོང་།། རི་ལུང་པ་བསྐོར་ནས་ས་མཐར་སོང་།།
ངའི་རེ་སྨོན་ཁུར་ནས་རྒྱང་ལ་སོང་།། བུ་ཁྱོད་ཀྱི་སྲོག་འགོ་ཐོན་པ་གྱིས།།
ཐོན་སོང་ན་དགྲ་ལན་མ་བརྗེད་དགོས།། ང་ཨ་ཕའི་ལས་དབང་གཡུལ་སར་ཡོད།།
ཁ་ཕྱི་ལ་མི་སྐོར་སེམས་ཐག་ཡིན།།

རྩམ་པའི་སྟོབས་ཤུགས།

༄།། རྩམ་པའི་སྟོབས་ཤུགས། རྩོམ་པ་པོ། འཆམ་ར་དྲི་མེད་རྒྱལ་མཚན།
ལས་ཀྱི་ཕ་ཟས་དཀར་པོ་རྩམ་པ་ཡིན།།
ཕ་དང་མེས་པོའི་ལུས་སྟོབས་འདི་ཡིས་རྒྱས།།
རྒྱལ་སྲུང་དམག་འཐབ་སྙིང་སྟོབས་འདི་ཡིས་བསྩལ།།
རྒྱལ་ཁབ་ཤོར་ཡང་ཁ་ཟས་འདི་རང་ཡིན།།
འཐབ་རྩོད་སྙིང་སྟོབས་ཉམས་སོང་མེད་རྟགས་ཡིན།།

བུ་རྒོད་ཡོད་ན་ཐོན་ཤོག

༄།། བུ་རྒོད་ཡོད་ན་ཐོན་ཤོག རྩོམ་པ་པོ། འཆམ་ར་དྲི་མེད་རྒྱལ་མཚན།
བཙན་པོ་འཐོན་རྒྱུ་མེད་པ་ལོ་རྒྱུས་ནང་གི་མི་རེད།།
རྟ་དམག་རིག་རྒྱུ་མེད་པ་སྔོན་མ་སྔོན་མའི་དཔུང་རེད།།
དགྲ་རྒོལ་སྙིང་སྟོབས་དམར་པོ་བཙན་པོས་ཁུར་སོང་མ་རེད།།
ཕ་ས་རང་ལག་ཡོད་ནས་རྩོད་རྒྱུ་མེད་འདུག་མ་རེད།།
བཙན་པོའི་རྗེས་འཇུག་ཡོད་ན་ད་ནི་ཐོན་ཤོག་ཨ་ཕོ།།

མི་རྟག་པའི་གཉའ་ཤིང་།

༄།། མི་རྟག་པའི་གཉའ་ཤིང་།རྩོམ་པ་པོ། འཆམ་ར་དྲི་མེད་རྒྱལ་མཚན།
གཅེས་པའི་ལུས་འདི་རིན་ཆེན་གོས་ཀྱིས་བཏུམས།།
ཞིམ་པོའི་ཟས་ཀྱིས་ཉིན་མཚན་གཉིས་ལ་གསོས།།
རྣམ་ཤེས་འདི་ནས་བྲོས་པའི་ཕྱི་ཉིན་མ།།
རོ་ཞེས་ཡལ་བར་འདོར་བ་ད་ལྟའི་ལུས།།

མཛངས་མ་ཡེ་ཤེས་མཚོ་རྒྱལ།

༄།། མཛངས་མ་ཡེ་ཤེས་མཚོ་རྒྱལ། རྩོམ་པ་པོ། འཆམ་ར་དྲི་མེད་རྒྱལ་མཚན།
སེམས་ཀྱི་ཁ་དོག་གངས་རི་དཀར་པོས་བཟོས་ཡོད།།
རྟོགས་པའི་བསྟན་པ་དགུང་སྔོན་གནམ་ལ་རེག་ཡོད།།
ཤེས་རབ་འོད་ཀྱི་སྣང་བས་འཇིག་རྟེན་གསལ་ཡོད།།
བྱང་ཆུབ་སེམས་མས་ཁ་བ་ཅན་འདི་འཚོས་ཡོད།།

ཁྱོད་མ་སྡུག

༄།། ཁྱོད་མ་སྡུག རྩོམ་པ་པོ། འཆམ་ར་དྲི་མེད་རྒྱལ་མཚན།
ཁྱོས་མ་འབྲི་སེམས་པ་ཇེ་སྐྱོ་རེད།།
བྲིས་བསྡད་ན་སྙིང་ལ་དོད་འགྲོ་རེད།།
ངའི་དམར་ཆུང་སྙིང་འདི་རྨས་འགྲོ་རེད།།
རྨས་སོང་ན་ཁྱེད་རང་ཇེ་སྐྱོ་རེད།།

སེམས་ཤུགས་མ་ཆག

༄།། སེམས་ཤུགས་མ་ཆག རྩོམ་པ་པོ། འཆམ་ར་དྲི་མེད་རྒྱལ་མཚན།
མགོ་ཐུར་ལ་མ་སྒུར་ཕ་བཟང་བུ།། སེམས་སྐྱ་མོ་སྡུག་གིས་ཚོས་ན་ཡང་།།
སྡུག་ཁུར་པོ་འདི་ལ་འཕོག་རྒྱུ་ཡོད།། ཕ་མེས་པོའི་རྗེས་ན་ཚ་བོ་ཡོད།།
བློ་རིག་པ་སྦྱངས་ནས་ཡོང་བཞིན་ཡོད།།

སྣ་དགུ་དགོས།

༄།། སྣ་དགུ་དགོས། རྩོམ་པ་པོ། འཆམ་ར་དྲི་མེད་རྒྱལ་མཚན།
ཡར་གིའི་རི་ལ་ལ་དགུ་ལུང་དགུ་ཡོད།།
མར་གིའི་ཆུ་ལ་རླབས་དགུ་འཇམ་དགུ་ཡོད།།
མི་ཚེ་འདི་ལ་སྐྱིད་དགུ་སྡུག་དགུ་ཡོད།།
སེམས་པ་འདི་ལ་བཟོད་བསྲན་སྣ་དགུ་དགོས།།

ལྔ་བཅུ་ང་དགུ།

༄།། ལྔ་བཅུ་ང་དགུ། རྩོམ་པ་པོ། འཆམ་ར་དྲི་མེད་རྒྱལ་མཚན།
བྲང་གི་ངོས་ན་ལྔ་བཅུ་ང་དགུ་བྲིས།།
མེས་པོའི་རྣམ་ཤེས་གྲངས་ཀ་འདིའི་ནང་ཡོད།།
རལ་གྲི་ངར་མའི་སོ་ཁ་འདི་ནས་དར།།
ཕ་མེས་ཚེ་སྲོག་མང་པོ་འདི་ནས་གུད།།

རྟ་ཕོ་རང་བྱོན།

༄།། རྟ་ཕོ་རང་བྱོན། རྩོམ་པ་པོ། འཆམ་ར་དྲི་མེད་རྒྱལ་མཚན།
ཁོ་རེ། གླུ་ཨ་ལ་ལ་མོ་ཨ་ལ་རེད།།
རྟ་རྐྱང་ལུ་འདི་ལ་འགྲོས་ཤིག་ཡོད།།
འགྲོས་གོམ་པ་རླུང་གི་གཤོག་པ་ཡོད།།
ཐང་སྔོན་མོ་གྲུ་གུ་སྒྲིལ་སྒྲིལ་ཡིན།།
ལས་རླུང་རྟ་དར་བའི་བཀྲ་ཤིས་ཤོག།།

འཁོར་བའི་གཏིང་རྡོ།

༄།། འཁོར་བའི་གཏིང་རྡོ། རྩོམ་པ་པོ། འཆམ་ར་དྲི་མེད་རྒྱལ་མཚན།
སྐྱེ་གཟུགས་དམར་པོ་འཇའ་ཚོན་འོད་ལ་འདྲེས།།
ལང་ཚོའི་མེ་ཏོག་མཛེས་པའི་ཁུ་བས་སྨྱོས།།
འཇིག་རྟེན་ཡོམ་ཡོམ་སྒུལ་བའི་སྐྲ་རིང་མ།།
ལྕགས་ཀྱུ་བཞིན་དུ་སེམས་ཀྱི་གཏིང་ན་འཁྱུག།།

ཡོལ་བ་མ་ཕྱེ་རོགས།

༄།། ཡོལ་བ་མ་ཕྱེ་རོགས། རྩོམ་པ་པོ། འཆམ་ར་དྲི་མེད་རྒྱལ་མཚན།
ཕར་གིའི་རི་ལ་རྒྱང་བལྟས་བྱས་ཡོད།།
སེམས་པ་དམར་པོས་གཅེར་རུམ་བྱས་ཡོད།།
སྨུག་པའི་ཡོལ་བ་མ་ཕྱེ་རོགས་གྱིས།།
ཚོར་བའི་ཐིགས་པ་རྒྱག་ཚར་མ་སོང་།།

དམག་ལ་ཆས་པ།


༄།། དམག་ལ་ཆས་པ།
 རྩོམ་པ་པོ། འཆམ་ར་དྲི་མེད་རྒྱལ་མཚན།
ཕུ་ཡར་ན་རི་ཞིག་ཡོད་རྒྱུ་འདི།། ཕ་མེས་པོ་ཚང་གི་བླ་རི་རེད།།
བུ་དམག་ལ་འགྲོ་དགོས་ལས་དབང་རེད།། དམག་ཕར་འགྲོའི་དགྲ་ལྷ་དར་བ་ཤོག།

ཕོ་རབ་ཅིག་ལ་གཏམ་རབ་དགོས།

༄།། ཕོ་རབ་ཅིག་ལ་གཏམ་རབ་དགོས། རྩོམ་པ་པོ། འཆམ་ར་དྲི་མེད་རྒྱལ་མཚན།
ད་མ་འདུག་ཕོ་སྐྱེས་ཡར་ལོངས་དང་།། དགྲ་ཕྱི་ནང་གཉིས་ཀྱིས་མཐའ་སྐོར་བྱུང་།།
ཁ་ཕོ་རུས་མེད་ན་མནན་ལེ་རེད།། ཞེ་རུས་པ་མེད་ན་ཚར་ལེ་རེད།།
བུ་སུས་བཙོག་སྟོང་སྡེའི་སྔུན་ནས་ལྟ།།

རྒྱང་རིང་གི་ཨ་མ།

༈ རྒྱང་རིང་གི་ཨ་མ།
             འཆམ་ར་དྲི་མེད་རྒྱལ་མཚན།(ས་མཐའི་གཡུ་རལ།)
ལས་དབང་གི་གོམ་སྟབས་རེ་རེ། ཨ་མ་དང་གྱེས་པའི་ན་ཟུག་རེ་རེ།
མཐའ་ཡས་པའི་རྒྱ་མཚོའི་ཟུར་ནས། ངས་རྒྱང་རིང་གི་ཨ་མ་ཁྱེད་རང་ཧ་ཅང་དྲན།
རྒྱ་མཚོའི་རྦ་རླབས་རེ་རེ། ཨ་མ་འབོད་པའི་སྒྲ་དབྱངས་རེ་རེ།
ཆུ་ཡི་ཟེགས་མ་རེ་རེ། ཨ་མ་དྲན་པའི་མིག་ཆུ་རེ་རེ།
ཨ་མ། ཨ་མ།
ངའི་སེམས་ཀྱི་དྲན་ཤིང་དཀར་པོ།
བརྩེ་བ་དམར་པོ་སེམས་ལ་ཉར་ཡོད།
དུང་བ་དཀར་པོ་རྒྱང་ལ་གཏད་ཡོད།
ཁྱེད་རང་སྐུ་ཚེ་ཡུན་དུ་བརྟན་པར་ཤོག

ག་རེ་ཐོས་བྱུང་།

༈ ག་རེ་ཐོས་བྱུང་། རྩོམ་པ་པོ། འཆམ་ར་དྲི་མེད་རྒྱལ་མཚན།
ཡར་གིའི་རི་རྩེར་བལྟས་པས། །
སྐྱ་རེངས་མར་མར་འཆར་བྱུང་། །
སྐྱ་མདའ་ཐར་ཐོའི་བར་ནས། །
བླ་མའི་གསུང་སྐད་ཐོས་བྱུང་། །

སྙིང་ཉེ་མ།

སྙིང་ཉེ་མ། རྩོམ་པ་པོ། མུ་ལ།
མ་ཡུམ་སློབ་གྲྭའི་གླིང་ན།
དབྱངས་གསལ་སོ་བཞི་གྱེར་རོགས།
སྙིང་སྡུག་ལྷག་དཀར་སྒྲོན་མ།
ཁྱོད་ལ་བཅངས་བའི་བརྩེ་བ།
མི་འགྱུར་རྡོ་རྗེ་བྲག་ཡིན།
བུ་ངའི་སྙིང་གི་མེ་ཏོག
སྙིང་ཉེ་ལྷག་དཀར་སྒྲོན་མ།
སྙིང་ཉེ་ལགས། ལྷག་དཀར་སྒྲོན་མ།
ང་རང་ཁྱེད་ལ་དགའ་བ།
ནམ་ཡང་འགྱུར་བ་མེད། སྙིང་ཉེ་ལགས།

གྲོང་ཁྱེར་གྱི་ཕྱིར་དྲན།

༈ གྲོང་ཁྱེར་གྱི་ཕྱིར་དྲན། རྩོམ་པ་པོ།_སུམ་པའི་མེ་གཤོག
གྲོང་ཁྱེར་ནི་དེ་འདྲའི་འགྱུར་ལྡོག་ཆེ།
ང་རང་ནི་ཉིན་བཞིན་ཧུར་བརྩོན་བྱེད།
རོལ་དབྱངས་ཀྱིས་སེམས་ཀྱི་ངལ་བ་གསོས།
འཚོ་བ་ཞིག་དེ་ལྟར་ལོ་ལ་རོལ།

མི་ཡུལ་གྱི་དག་ཞིང་།

མི་ཡུལ་གྱི་དག་ཞིང་། __ གཞས་ཚིག རྩོམ་པ་པོ་འཛུམ།
སྟོད་ལ་གངས་རི་དཀར་པོ་བརྗིད།
གངས་ལ་སེང་གེ་དཀར་མོས་གཡུ་རལ་གསིགས།
མ་ཡུམ་ལགས། གངས་ལྗོངས་ཕྱུག་མོ།
ཁྱེད་ནི་ཤར་ནུབ་ཆུ་བོ་བརྒྱ་ཕྲག་གི་འབྱུང་ཁུངས་དང་།
ནམ་ཡང་མཐོ་སྒང་ཁ་བ་རི་པའི་གཞིས་ཁྱིམ་ཡིན།

དུང་དཀར་མཚོ།

དུང་དཀར་མཚོ། རྩོམ་པ་པོ། མུ་ལ་ནས།
ཁྲོམ་རའི་མི་ཚོགས་ཁྲོད་ན། །
མཛེས་སྡུག་ལང་ཚོ་དར་བའི། །
བུ་མོ་དུང་དཀར་མཚོ་ལ། །
འཕྲད་པས་སྣང་བ་སྐྱིད་སོང་། །

ཁྱེད་ཀྱི་བཀའ་དྲིན།

ཁྱེད་ཀྱི་བཀའ་དྲིན། __གཞས་ཚིག རྩོམ་པ་པོ་འཛུམ།
སྐྱབས་མགོན་ལགས། ཡིད་བཞིན་ནོར་བུ།
ང་ཚོས་ཁྱེད་ཀྱི་ངག་ནས།
ཆོལ་གསུམ་གྱི་ཕུ་ནུ་མིང་སྲིང་།
རྡོག་རྩ་ཆིག་སྒྲིལ། དཔུང་པ་མཉམ་གཤིབ།
མཐུན་འབྲེལ་གྱི་རྩ་བ་ཚུགས་སོང་།
སྐྱབས་མགོན་ལགས། ཡིད་བཞིན་ནོར་བུ་ཁྱེད་ལ་བཀའ་དྲིན་ཞུ།
ཁྱེད་ཉིད་ད་དུང་ང་ཚོའི་ཆེད། འདི་ལྟར་བསྐལ་བརྒྱར་བཞུགས་རོགས།

ཕྱིར་ཕེབས་རོགས།

ཕྱིར་ཕེབས་རོགས། རྩོམ་པ་པོ། མུ་ལ་ནས།
གངས་སེང་དཀར་མོའི་ཕ་ས། །
གངས་དཀར་ལྷུན་པོ་མཐོང་དུས། །
གཡུ་རལ་ཅན་གྱི་གངས་སེང་། །
ཡིད་ལ་ཡང་ཡང་དྲན་གི །
ང་ཡི་གངས་སེང་ལགས། ཕྱིར་ཕེབས་རོགས།
གཡུ་ཡི་རལ་བ་གསིག་བཞིན། །
མྱུར་ཏུ་ཕེབས་རོགས།

སེམས་པ་སྐྱོ་སོང་།

༈ སེམས་པ་སྐྱོ་སོང་། རྩོམ་པ་པོ། མུ་ལ།
ཚང་ཚིང་ནགས་ཀླུང་ཁྲོད་ན། །
བྱ་རིགས་སྣ་ཚོགས་འཛོམས་ཀྱང་། །
ལྷ་བྱ་ཁུ་བྱུག་མེད་པས། །
འཇོལ་མོའི་སེམས་པ་སྐྱོ་སོང་། །

ང་ཚོས་གཅེས་སྐྱོང་བྱ་དགོས།

༈ ང་ཚོས་གཅེས་སྐྱོང་བྱ་དགོས། རྩོམ་པ་པོ། མུ་ལ།
མེས་པོས་བཞེངས་པའི་ཕ་མཁར། །
སྐྱབས་མཆོག་བླ་མའི་ཕོ་བྲང་། །
གནས་མཆོག་པོ་ཏ་ལ་འདི། །
ང་ཚོས་གཅེས་སྐྱོང་བྱ་དགོས། །

བྱམས་པ་མ་གཏོགས་མི་བཤད།

༈ བྱམས་པ་མ་གཏོགས་མི་བཤད། རྩོམ་པ་པོ། མུ་ལ།

རྒྱུ་ནོར་སྒྱུ་མའི་རང་བཞིན།།
སུ་ལ་མཁོ་ཡང་སྦྱིན་ཆོག།
བྱམས་པས་གནང་བའི་མཛུབ་དཀྲིས།།
ཤི་ཡང་གཞན་ལ་མི་སྟེར།།

རེ་སྐུལ་ངག་གི་འགྱུར་ཁུགས།

༄༅། ། རེ་སྐུལ་ངག་གི་འགྱུར་ཁུགས། རྩོམ་པ་པོ། ཚིག་མུ་ལ།
ཕྱི་རོལ་ཁོར་ཡུག་མི་གཙང་དུག་གིས་སྦག།
ནང་གི་གཏེར་ཁ་བསྔོགས་ནས་ཕྱི་ལ་སྤྱུགས།།
འགྲོ་ཀུན་ཐམས་ཅད་བདེ་བར་གནས་འདོད་ན།།
གོ་ལ་ཟླུམ་པོ་གཅེས་སྐྱོང་བྱ་ལ་རེམས།།

མཐུན་སྒྲིལ།

༄༅། ། མཐུན་སྒྲིལ། རྩོམ་པ་པོ། ཚིག་མུ་ལ།
སྟོན་པ་གཅིག་ལས་ཆད་པའི།།
གྲུབ་མཐའ་སོ་སོའི་བར་ལ།།
ཕྱོགས་ཞེན་ཆགས་སྡང་མ་བྱེད།།
མཐུན་སྒྲིལ་ཨ་ལོང་དམ་དགོས།།

ཁ་བའི་རྒྱན་ཆ་རེད།

༄༅། ། ཁ་བའི་རྒྱན་ཆ་རེད། རྩོམ་པ་པོ། ཚིག་མུ་ལ།
ཕྱོགས་ཞེན་ཆགས་སྡང་བྲལ་བའི་བླ་མ་གཅིག །
གཞན་ཕན་ཁོ་ན་བསྒྲུབ་པའི་དཔོན་པོ་གཉིས། །
མཐུན་སྒྲིལ་ཨ་ལོང་དམ་པའི་འབངས་མི་གསུམ། །
འདི་གསུམ་འཛོམ་ན་ཁ་བའི་རྒྱན་ཆ་རེད། །

ཧི་མ་ལ་ནས་རྡུལ་འཚུབ་འཕྱུར་དུས།

༈ ཧི་མ་ལ་ནས་རྡུལ་འཚུབ་འཕྱུར་དུས། རྩོམ་པ་པོ། འཆམ་ར་དྲི་མེད་རྒྱལ་མཚན།
མ་ཎིའི་བྱིན་རླབས་རེ་རེ་
གདུང་བ་སྟོང་གིས་དབྱངས་སུ་བཀུག་ནས་
སྐྱོ་བ་སྟོང་གིས་ངག་ལ་གྱེར་ནས་
འདི་ནས་ས་གཡོས་པའི་ཕྱོགས་སུ་མངག་ཡོད།
ངུ་འབོད་ཀྱི་ཀུ་ཅོ་སྡིར་སར་གཏོང་ཡོད།
ཨོཾམཎིཔདྨེཧཱུཾཧྲི༔ཨོཾམཎིཔདྨེཧཱུཾཧྲི༔ཨོཾམཎིཔདྨེཧཱུཾཧྲི༔

རྒྱ་མཚོ་ཆེན་པོའི་མཐའ་ན།

༈ རྒྱ་མཚོ་ཆེན་པོའི་མཐའ་ན། (Oceanside) རྩོམ་པ་པོ། འཆམ་ར་དྲི་མེད་རྒྱལ་མཚན།
ཆུ་ཡི་རྦ་རླབས་རེ་རེ།།
སེམས་ཀྱི་དྲན་ཤིང་རེ་རེ།།
ཆུ་མོ་གཞུང་ལ་རྒྱུག་དུས།།
སྐྱོ་གདུང་སེམས་ལ་འཁྱིལ་བྱུང་།།

ཕོ་བྲང་ཆེན་མོ་པོ་ཏཱ་ལ།

༈ ཕོ་བྲང་ཆེན་མོ་པོ་ཏཱ་ལ། རྩོམ་པ་པོ། འཆམ་ར་དྲི་མེད་རྒྱལ་མཚན།
བཙན་པོའི་སྙིང་སྟོབས་ཀྱིས་བཞེངས་པའི།
བོད་མིའི་སྤོབས་པ་རུ་བཞུགས་པའི།
གངས་དཀར་རི་བོ་ལྟ་བུའི་པོ་ཏཱ་ལ།
རླུང་བུ་འུར་འུར་ལྡང་དུས། དར་ལྕེ་ཤིག་ཤིག་སྤུར་དུས།
ཁྱེད་ཀྱི་སེམས་ལ་ཅི་ཞིག་སྒོམ་ཡོད།
ཁྱེད་ཀྱི་སྤྱན་ལ་གང་ཞིག་ཐོགས་ཡོད།
ང་ཡི་སེམས་ཀྱི་སྨོན་འདུན། ཁྱེད་ཀྱི་སྒོ་རྩར་སྤུངས་ཡོད།
ང་ཡི་སེམས་ཀྱི་འབོད་ས། ཕོ་བྲང་ཆེན་མོ་པོ་ཏཱ་ལ།

འགྲོ་དང་།

༈ འགྲོ་དང་། རྩོམ་པ་པོ། འཆམ་ར་དྲི་མེད།
ཤར་གྱི་རི་ལ་འགྲོ་དང་། །
ཉི་མ་ཤར་ས་ཡིན་འདུག །
ཉི་འོད་ལུས་ལ་ཕོག་ན། །
བདེ་སྐྱིད་ལུས་ལ་ཐོབ་ཡོང་། །

ཁྱེད་ཀྱི་སྐྱེས་སྐར་བསུ།

༈ ཁྱེད་ཀྱི་སྐྱེས་སྐར་བསུ། རྩོམ་པ་པོ། འཆམ་ར་དྲི་མེད་རྒྱལ་མཚན།
ཨ་ཕ་སྟག་རྒོད་འདྲ་མོ་གཡས་ན་བཞུགས་ནས།
ཨ་མ་རྨ་བྱ་འདྲ་མོ་གཡོན་ན་བཞུགས་ནས།
བུ་ཆུང་སེང་ཕྲུག་འདྲ་མོའི་སྐྱེས་སྐར་བསུའོ། །
ཉི་མ་གནམ་ལ་ཤར་བྱུང་། གངས་རི་ས་ལ་འགྱིང་སོང་།
ཁྱེད་ཀྱི་སྐྱེས་སྐར་གནམ་སའི་བར་ནས་བསུ། །
བཀྲ་ཤིས་སྨོན་འདུན་སེམས་པའི་གཏིང་ནས་བྱ། །
བདེ་སྐྱིད་འཚོ་བས་སྐུ་ཚེ་རིང་པར་ཤོག།

རྣམ་དཔྱོད་ངོམ་དགོས།

༈ རྣམ་དཔྱོད་ངོམ་དགོས། རྩོམ་པ་པོ། འཆམ་ར་དྲི་མེད་རྒྱལ་མཚན།
དཔའ་རྩལ་དཔའ་རྩལ་ཟེར་ནས་ཡོད་མདོག་བསྟན་ཀྱང་། །
རྣམ་དཔྱོད་དཔའ་རྩལ་མེད་ན་ཁ་ཕོས་ཅི་ཕན། །
ལུག་རྒན་རྡུང་ཁ་བརྒྱབ་ནས་ཀླད་ཁྲག་འདྲེས་འདུག །
གྲི་འགོ་འཕུར་རྒྱུ་མ་མང་གངས་ཅན་བོད་པ། །

རིགས་བཟང་བུ་མོ།

༈ རིགས་བཟང་བུ་མོ། རྩོམ་པ་པོ། འཆམ་ར་དྲི་མེད་རྒྱལ་མཚན།
རིགས་བཟང་བུ་མོ། རི་བོའི་རྩེ་ལ་ལོག་འགྲོ
རི་བོའི་རྩེ་ལ་ཁ་བའི་མེ་ཏོག་བཞད་ཡོད།
ཁ་བའི་མེ་ཏོག་སྐད་དང་ཡི་གེ་ཡིན་སོང་།
བོད་ཕྲུག་ང་ཚོའི་བླ་སྲོག་དབང་ཐང་ཡིན་སོང་།
རེིགས་བཟང་བུ་མོ་ལགས། རི་བོའི་རྩེ་ལ་ལོག་འགྲོ

གཤོག་པ་ཅན།

༈ གཤོག་པ་ཅན། རྩོམ་པ་པོ། འཆམ་ར་དྲི་མེད་རྒྱལ་མཚན།
༈ བྱ་ཐང་དཀར་གསེར་གྱི་གཤོག་པ་ཅན། །
འཕུར་བསམ་ན་འདབ་མ་རང་འགྲུབ་རེད། །
དགུང་ནམ་མཁའི་ཁ་རྒྱ་ཆེན་པོ་འདི། །
བྱ་ཁྱོད་ཀྱི་བསོད་ནམས་དབང་ཐང་རེད། །

ཕྱི་རྫིག་ནང་སྟོང་།

༈ ཕྱི་རྫིག་ནང་སྟོང་། རྩོམ་པ་པོ། འཆམ་ར་དྲི་མེད་རྒྱལ་མཚན།
སྟག་འཛུམ་དྲུག་བརྗིད་རྔམ་ཚ་པོ་མ། །
ཕར་བལྟས་ན་སེམས་ཀྱི་སྙིང་སྟོབས་རེད། །
ཁྱོད་ཡོད་ས་ལྕགས་ཁྲབ་གྲུ་བཞི་རེད། །
དཔའ་སྟོབས་རྩལ་ཆེ་ཡང་བཙོན་པ་རེད། །

ལོ་བརྒྱ་མ།

༈ ལོ་བརྒྱ་མ། རྩོམ་པ་པོ། འཆམ་ར་དྲི་མེད་རྒྱལ་མཚན།
སྤྲིན་དཀར་འདབ་མ་མང་པོའི་མར་ཞབས་ནས། །
སྙིང་གཏམ་མེ་ཏོག་དམར་པོ་གཏོང་བཞག་ཡོད། །
སྲིད་པའི་གངས་ཀྱིས་ལོ་དགུར་མནན་ན་ཡང་། །
སྙིང་གི་དཀྱིལ་ནས་མ་གློད་ལོ་བརྒྱ་མ། །

ཨ་ཕ། ཁྱེད་གང་ན་ཡོད།

༈ ཨ་ཕ། ཁྱེད་གང་ན་ཡོད། རྩོམ་པ་པོ། འཆམ་ར་དྲི་མེད་རྒྱལ་མཚན།
སྐྱིད་འཚོ་བ་རྒྱས་སའི་ཕ་ཡུལ་ནས། །
ས་ཐག་རིང་ཡུལ་ལ་འགྲོ་ཉིན་མ། །
ཞེ་བསམ་པ་ཐོགས་སའི་དྲིན་ཆེན་ཕ། །
དུས་དེང་སང་ས་ཕྱོགས་གང་ན་ཡོད། །

ཁ་པར་ཁ་ལ་སྦྱར་ན།

༈ ཁ་པར་ཁ་ལ་སྦྱར་ན། རྩོམ་པ་པོ། འཆམ་ར་དྲི་མེད་རྒྱལ་མཚན།
ཁ་པར་ཁ་ལ་སྦྱར་ནས། །
སྙིང་གཏམ་རྒྱང་ལ་མ་བཤད། །
ཨ་ཞེ་ཚེ་རིང་ལོ་བརྒྱ། །
སྙིང་གི་རུས་པ་བཅག་ཡོང་། །

གངས་འདབས་བུ་མོ།

༈ གངས་འདབས་བུ་མོ། རྩོམ་པ་པོ། སྐྱིད་སྲས།
གངས་རིའི་འདབས་ཀྱི་བུ་མོ།།
ཉི་མ་ཟླ་བའི་ཚ་མོ།།
ཉི་ཐིག་སྐྲ་རྩེར་ཟེགས་བྱུང་།།
སླེ་སྐྲ་གསེར་ཆུས་བྱུགས་འདྲ།།

སླེབས་བྱུང་།

༈ སླེབས་བྱུང༌། རྩོམ་པ་པོ། ནང་ཆེན་ཁམས་སྲས།
རྩོམ་པ་པོ། ནང་ཆེན་ཁམས་སྲས།
གདོང་ལྔའི་རྒྱལ་དར་འཕྱར་བཞིན་སླེབས་བྱུང༌།
ཞི་བདེའི་ཁ་གཡང་སྒྲོག་བཞིན་སླེབས་བྱུང༌།
པོ་ཏ་ལའི་གཟི་བྱིན་ལ་མིག་ཟུང་ཅེར་ཏེ་སླེབས་བྱུང༌།
འབོད་བཞིན་པའི་ཚིག་འབྲུ་རེ་རེ་ནི་རང་དབང་དང་འདྲ་མཉམ་ཡིན་ལ།
བསམ་བཞིན་པའི་ཆོད་སེམས་རེ་རེ་ནི་རྒྱལ་གཅེས་དང་རིགས་ཞེན་རེད།

འཕྲུལ་རྟ་ལ་གཟབ་གཟབ་གྱིས།

༈ འཕྲུལ་རྟ་ལ་གཟབ་གཟབ་གྱིས། རྩོམ་པ་པོ། འཆམ་ར་དྲི་མེད་རྒྱལ་མཚན།
ཡུན་རིང་བསགས་པའི་དངུལ་གྱིས་འཕྲུལ་རྟ་ཉོ་བའི་དུས་སུ། །
འཕྲུལ་རྟའི་འཕྲུལ་དང་འདྲ་བའི་སློབ་སྦྱོང་རང་ལ་ཡོད་དགོས། །
བྱོལ་སོང་རྟ་ཕོ་ཞོན་པའི་སློབ་སྦྱོང་དེ་ལས་མེད་ན། །
རང་སྲོག་གཅོད་པའི་རལ་གྲི་རང་གིས་ཉོ་བཞིན་ཡོད་སྲིད། །

བརྗེད་པ་མི་སྲིད། རྩོམ་པ་པོ། ནང་ཆེན་ཁམས་སྲས།

༈ བརྗེད་པ་མི་སྲིད། རྩོམ་པ་པོ། ནང་ཆེན་ཁམས་སྲས།
གཡོ་སྒྱུ་ཐབས་ཀྱི་བསླུ་བྲིད་མཁས་ཀྱང༌།།
ལོ་རྒྱུས་དོན་རྐྱེན་བརྗེད་པ་མི་སྲིད།།
དྲག་པོའི་དཔུང་གི་རྔམ་ཟིལ་ཆེ་ཡང༌།།
བདེན་པའི་ཐོབ་ཐང་བསྐྱུར་བ་མི་ཕོད།།

བོད། ཨེ་ཤ་ཡའི་ཆུ་མཛོད་ཆེན་མོ།

བོད། ཨེ་ཤ་ཡའི་ཆུ་མཛོད་ཆེན་མོ། རྩོམ་པ་པོ། སེར་ཤུལ་རིན་ཆེན་དོན་གྲུབ།
༡)ཁོར་ཡུག ཚེ་སྲོག་གི་རྟེན་གཞི།
གཙང་རླུང་། ལུས་ཁམས་ཀྱི་གསོ་སྨན།
མཁའ་རླུང་གཙང་མ། གངས་ཆུ་དྭངས་མ།
མི་གྲངས་ཐེར་འབུམ་གྱི་འཚོ་བཅུད་ཡང་དག
ཨེ་ཤ་ཡའི་ཆུ་མཛོད་ཆེན་མོ། བོད་གངས་ཅན་ལྗོངས།

ང་མགོ་ཡོམ་འཁོར་བྱུང༌།

༈ ང་མགོ་ཡོམ་འཁོར་བྱུང༌། རྩོམ་པ་པོ། ནང་ཆེན་ཁམས་སྲས།
མི་སྲིང་ཚོའི་ཚེ་སྲོག་གཅོད་བཞིན།།
སྤུན་ཟླ་ཞེས་འཛུམ་མདངས་བསྟན་བྱུང༌།།
ཕ་མཁར་དེ་རྨང་ནས་བཤིག་བཞིན།།
འཛུགས་སྐྲུན་ཅེས་ཁ་ཡག་བཤད་བྱུང༌།།

གོམ་ཆེན་སྤོ།

༈ གོམ་ཆེན་སྤོ། རྩོམ་པ་པོ། སྡེ་དགེ་ཀརྨ་རྣམ་དག
གནམ་སྔོན་པོ་འདི་ཡི་མར་འོག་ན།།
དུས་དེང་སང་མངའ་ཐང་དམའ་ན་ཡང་།།
སེམས་ངར་ཤུགས་མ་ཆག་གངས་ཕྲུག་ཚོ།།
ངེད་ཚང་མ་བཙན་པོའི་གདུང་རྒྱུད་ཡིན།།

གཙང་མའི་དུངས་སེམས།

༈ གཙང་མའི་དུངས་སེམས། རྩོམ་པ་པོ། སྡེ་དགེ་ཀརྨ་རྣམ་དག
ལང་ཚོ་རྫིག་འདུག་མ་བསམས།།
འཐོབ་པའི་རེ་དོགས་མ་བཅངས།།
ཐོབ་ཤོར་མེད་པའི་བར་ནས།།
ཁྱོད་རང་སྙིང་ལ་འཛུལ་འདུག།

སྣང་ཉམས།

༈ སྣང་ཉམས། རྩོམ་པ་པོ། སྡེ་དགེ་ཀརྨ་རྣམ་དག
སྐྱ་ཁྲ་ཧོར་པས་གཏོར་བའི།།
ཚང་མལ་ས་ལ་འཐོར་འདུག།
རྒྱབ་རིའི་བྲག་དཀར་སྐྱིབས་ན།།
ཕུག་རོན་མཐོང་རྒྱུ་མི་འདུག།

འགྲོ་ཡ་གངས་ཕྲུག་ཚོ།

༈ འགྲོ་ཡ་གངས་ཕྲུག་ཚོ། རྩོམ་པ་པོ། ནང་ཆེན་ཁམས་སྲས། (བོད་འབྱོར།)
ལས་དབང་གཅིག་པའི་གངས་ཕྲུག་ཚོ།།
མེས་པོའི་ཞབས་རྗེས་མཇལ་དུ་འགྲོ།།
ཕ་མེས་དུར་ས་འཚོལ་དུ་འགྲོ།།
གཡོ་ཁྲིམས་གསང་བ་སྔོག་ཏུ་འགྲོ།།

ངོ་མཚར་བའི་བོད།

༈ ངོ་མཚར་བའི་བོད། རྩོམ་པ་པོ། ནང་ཆེན་ཁམས་སྲས། (བོད་འབྱོར།)
ཡངས་པའི་འཇིག་རྟེན་འདི་ན།།
སྐད་དང་ཡི་གེ་མང་ཡང༌།།
ངོ་མཚར་དཔལ་གྱིས་ཕྱུག་པ།།
བོད་ཡིག་འདྲ་བ་མི་འདུག།

རེ་སྒུག་གི་ཉི་མ།

༈ རེ་སྒུག་གི་ཉི་མ། རྩོམ་པ་པོ། ནང་ཆེན་ཁམས་སྲས། (བོད་འབྱོར།)
ཐག་རིང་རྒྱང་གི་འཛམ་གླིང་ཉི་མ།།
དད་འདུན་ཐལ་མོ་སྙིང་ཀར་སྦྱར་ཏེ།།
གསོལ་འདེབས་རེ་སྨོན་དབྱངས་ལ་གྱེར་བཞིན།།
ནམ་ཕེབས་ཁྱེད་ལ་རེ་སྒུག་བྱས་ཡོད།།

འགྲོ་བའི་སྐྱབས་མགོན།

འགྲོ་བའི་སྐྱབས་མགོན། རྩོམ་པ་པོ། སེར་ཤུལ་རིན་ཆེན་དོན་གྲུབ།
འགྲོ་བའི་སྐྱབས་མགོན། བསྐལ་བ་སྟོང་གི་ཐུགས་བསྐྱེད་དེ་ལ།
ཨེ་མ་ངོ་མཚར་ཆེ་བྱུང་། ཨེ་མ་གཟི་བརྗིད་ཆེ་བྱུང་།
ཞི་བདེའི་དེད་དཔོན། ངོ་མཚར་ལྡན་པའི་མཛད་བཟང་བསམ་ན།
དད་འདུན་ལྡོག་མེད་འཕྱུར་བྱུང་། སྐྱབས་མགོན་དམ་པ་མཁྱེན་ནོ།།

ཆུང་འགྲོགས་བྱམས་པ།

ཆུང་འགྲོགས་བྱམས་པ། རྩོམ་པ་པོ། བཅུད་པར་རྫ་སྐྱེས།
ཡངས་པའི་རྩྭ་ཐང་ཁྲོད་ཀྱི། །
རུ་སྡེ་ཁྲ་མོའི་གྲོང་ན། །
ང་ཡི་ཆུང་འགྲོགས་ལུས་ཡོད།།
བརྩེ་སེམས་དཀར་པོ་དུང་འདྲ།།
དུངས་པའི་བྱམས་པ་ལྷ་ཡིན།། 

ཕོ་རྒོད་དར་མ་མདུན་ལ་ཐོན་ཤོག

༈ ཕོ་རྒོད་དར་མ་མདུན་ལ་ཐོན་ཤོག རྩོམ་པ་པོ། འཆམ་ར་དྲི་མེད་རྒྱལ་མཚན།
གྲི་དང་མེ་མདའ་ཟུར་དུ་གཡུགས་ནས། །
ཤེས་བྱ་རིག་པའི་དཔུང་ཤེད་ངོམ་སྟེ། །
ཕོ་རྒོད་དར་མ་མདུན་ལ་ཐོན་ཤོག །
བཙན་པོའི་དེབ་ཐེར་ཀློགས། རིག་པའི་བློ་གྲོས་སྡུར།
གངས་རིའི་བུ་ཞིག་ཡིན་པའི་རྟགས་ཤིག་གཞག

ཇེ་ཉེ་ཇེ་ཆེ་རེད།

༈ ཇེ་ཉེ་ཇེ་ཆེ་རེད། རྩོམ་པ་པོ། འཆམ་ར་དྲི་མེད་རྒྱལ་མཚན།
ཕུ་རིའི་ཕུ་ལ་བལྟས་པས།
ཞབས་རྗེས་རེ་རེ་སྲིད་པའི་གངས་ལ་གཏོད་འདུག
རླུང་དམར་རྒྱག་ཐེངས་རེ་རེ།
མེ་ལྕེ་འབར་ཐེངས་རེ་རེ།
ཞབས་རྗེས་རི་མོ་ཇེ་གསལ་ཇེ་གསལ་རེད།
སེམས་ཀྱི་ཁ་ཐག་ཇེ་ཉེ་ཇེ་ཉེ་རེད། 

གངས་རི་དཀར་པོའི་སྒལ་ཚིགས།

༈ གངས་རི་དཀར་པོའི་སྒལ་ཚིགས། རྩོམ་པ་པོ། འཆམ་ར་དྲི་མེད་རྒྱལ་མཚན།
ཕ་ས་ཕ་ཡུལ་དག་པའི་ཞིང་ཁམས་ཡིན། །
ཤར་གྱི་ཇག་པས་བཟུང་བའི་བཙོན་རྭ་ཡིན། །
སྡུག་གི་མིག་ཆུ་ཤད་པའི་སྤུན་ཟླ་རྣམས། །
གངས་རི་དཀར་པོ་འདི་ཡི་སྒལ་ཚིགས་ཡིན། །

མེ་ལྕེའི་ནང་གི་བོད།

༈ མེ་ལྕེའི་ནང་གི་བོད། རྩོམ་པ་པོ། འཆམ་ར་དྲི་མེད་རྒྱལ་མཚན།
 མེ་ལྕེའི་ཚ་ངར་རེ་རེ། ཁྱེད་ཀྱི་སྙིང་སྟོབས་རེ་རེ།
དུང་དཀར་པོའི་ཡུལ་ལྗོངས་ཆགས་འདྲ་བོ།
སྡུག་སྨག་ནག་ནང་གི་ཁ་བ་ཅན།
ལྷབ་ལྷུབ་ཏུ་འབར་བའི་མེ་ལྕེའི་གསེང་ནས།
ལྷང་ལྷང་དུ་འབོད་པའི་གདུང་ངག་ཁྲོད་ནས།
ཇེ་དཀར་ཇེ་དཀར་རེད་བྱུང་།
ཇེ་གསལ་ཇེ་གསལ་རེད་བྱུང་།
མེ་སྟག་ཐར་ར་ར། མདུན་མཆོང་ཤིགས་སེ་ཤིག

ལོ་ནག་ཅིག་གི་དྲན་ཤིང་།

༈ ལོ་ནག་ཅིག་གི་དྲན་ཤིང་། རྩོམ་པ་པོ། ལི་ཐང་དབྱིག་གཉེན།
༡༽རང་ཡུལ་གཞན་ལག་ཤོར་བའི་དུས་ཚིགས་གཅིག།།
སྤུན་གཉེན་མི་ཡུལ་འཁྱམ་པའི་ལོ་ཟླ་གཉིས།།
དགྲ་གཉེན་གྲོགས་ལ་བརྩི་པའི་དུས་རབས་གསུམ།།
བུ་མོ་ང་ཡི་དྲན་ཤིང་ཁུར་བོ་རེད།།

བརྩེ་དུང་གི་སྐྱོ་གར།

༈ བརྩེ་དུང་གི་སྐྱོ་གར། རྩོམ་པ་པོ། ལི་ཐང་དབྱིག་གཉེན།
སྐྱོ་བའི་ངུ་ངག་རླུང་གིས་ཁྱེར་སོང་།།
མིག་ཆུའི་ཐིགས་པ་ས་རུ་འཐོར་སོང་།།
ཁྱེད་ཉིད་དྲན་པའི་གདུང་བ་ལྕི་མོས།།
ང་ཡི་སྙིང་ལ་རྨ་ཁ་བཟོས་སོང་།།

༈ ང་རང་ལོག་ཡོང་།

༈ ང་རང་ལོག་ཡོང་། རྩོམ་པ་པོ། འཆམ་ར་དྲི་མེད་རྒྱལ་མཚན།
1} ང་གཉིས་བྲལ་བ་ནས། ཁྱེད་ཀྱི་མིག་ཆུ་ང་ཡི་སེམས་ནས་བཞུར།
མིག་ཆུའི་ནང་ནས་ཁྱེད་ཀྱི་ཞལ་རས་མཇལ།
སྙིང་སྡུག་མ། སེམས་འཕྲལ་མ་གནོངས་དང་།
བརྩེ་བ་ལ་ཕ་མཐའ་མེད། ང་ཡི་མི་ཚེ་ཁྱེད་ཀྱི་འགྲམ་ན་ཡོད།

ཀརྨ་པ།

༑ ཀརྨ་པ་།   རྩོམ་པ་པོ། འཆམ་ར་དྲི་མེད་རྒྱལ་མཚན།
ས་དོག་མོ་འདི་ཡི་ཡང་སྟེང་ན། གཡུ་རལ་ལུས་ལ་རྒྱས་པའི་གངས་སེང་ཞིག
དམར་ཡག་སྟག་གི་མཆེ་བས་མ་ཐུབ་ཅིང་། །འདམ་སེང་སྐྱ་བོའི་སྡེར་མོས་མ་གནོད་པའི།།
ཀརྨ་པ། ཀརྨ་པ། ཀརྨ་པ། ཨོ་རྒྱན་ཕྲིན་ལས་རྡོ་རྗེ།

དཔའ་བོའི་རྗེས་དྲན།

དཔའ་བོའི་རྗེས་དྲན། རྩོམ་པ་པོ། འཆམ་ར་དྲི་མེད་རྒྱལ་མཚན།
 མེ་མདའི་ཀག་སྒྲ་གྲགས་དུས། གློག་གི་དབྱུག་པས་རྡུང་དུས།
ཁྱེད་ཀྱི་ཟུངས་ཁྲག་ང་ཡི་སེམས་ནས་བཞུར། ང་ཡི་སྙིང་སྲོག་ཁྱེད་དང་མཉམ་དུ་རྨས།
རང་དབང་གི་འབོད་སྒྲ་རེ་རེ། མི་རིགས་ཤིག་གི་རྨི་ལམ་ཡིན།
མནར་གཅོད་ཀྱི་རྨ་ཤུལ་རེ་རེ། ས་ཡ་དྲུག་གི་ན་ཟུག་ཡིན།
རི་ཁ་བ་ཅན་གྱི་དཔལ་རྒོད་ཚོ། ཁྱེད་ཅག་གི་རྣམ་ཤེས་ང་ཡིས་དབྱངས་སུ་འགུགས།
ང་ཡི་དབྱངས་རྟ་ཁྱེད་དང་འདྲེས་གྱུར་ཅིག
  ཨོྃ་མ་ཎི་པདྨེ་ཧཱུྃ་ཧྲི༔   ཨོྃ་མ་ཎི་པདྨེ་ཧཱུྃ་ཧྲི༔   ཨོྃ་མ་ཎི་པདྨེ་ཧཱུྃ་ཧྲི༔

བུ་ཁྱེད་ཀྱི་བསམ་དོན་འགྲུབ་པར་ཤོག །

བུ་ཁྱེད་ཀྱི་བསམ་དོན་འགྲུབ་པར་ཤོག རྩོམ་པ་པོ། སང་རྡོར།
བོད་གངས་ཅན་ཆོས་ཀྱི་ཞིང་ཁམས་ན། 
རྗེ་བླ་མའི་མཛད་ཕྲིན་རྒྱས་ནས་བྱུང་།
ལྷོ་འཛམ་གླིང་ཆོས་འཁོར་ཡང་ཡང་བསྐོར།
་སེམས་ཅན་བདེ་སྐྱིད་ལྡན་པར་ཤོག
གང་སྐུ་ཚེ་ཞབས་པད་བརྟན་པར་ཤོག 

ཀ་ཁའི་གླུ་དབྱངས།

༈ ཀ་ཁའི་གླུ་དབྱངས། རྩོམ་པ་པོ། འཆམ་ར་དྲི་མེད་རྒྱལ་མཚན།
ཀ་ཁ་ག་ངས་ང་ཚོའི་རུས་པ་གྲུབ་ཡོད།།
ཅ་ཆ་ཇ་ཉས་ང་ཚོའི་ཟུངས་ཁྲག་སྐྱེད་ཡོད།།
ཏ་ཐ་ད་ནས་ང་ཚོའི་མི་ཚེ་བཟོས་ཡོད།།
པ་ཕ་བ་མས་ང་ཚོ་ད་ལྟ་གནས་ཡོད། །
བོད་སྐད་བསྐྱོན་དང་། བོད་ཡིག་སྦྱོངས་དང་།
སྐྱེ་བ་འདི་བོད་རིགས་ཡིན། བོད་མི་རིགས་ཡི་གེ་བོད་ཡིག་རེད།
བོད་སྐད་བསྐྱོན་དང་། བོད་ཡིག་སྦྱོངས་དང་།
མི་ཚེ་འདི་ཕ་མས་བྱིན། དྲིན་ཕ་མའི་སྐད་དེ་བོད་སྐད་རེད།
ཀ་ཁ་ག་ང་། ཅ་ཆ་ཇ་ཉ། ཏ་ཐ་ད་ན། པ་ཕ་བ་མ།

གཞོན་པའི་རོལ་དབྱངས།

གཞོན་པའི་རོལ་དབྱངས། རྩོམ་པ་པོ། འཆམ་ར་དྲི་མེད་རྒྱལ་མཚན།
རི་བོ་མཐོན་པོ་ཇོ་མོ་གླང་མ་སྤྲིན་པའི་མཚམས་ནས་གྱེན་དུ་ལངས་སོང་།།
མེས་པོའི་ལོ་རྒྱུས་ཤུལ་བཞག་རིང་མོ་རྒྱ་མཚོ་ཆེན་པོའི་རླབས་དང་འདྲོགས་སོང་།།
དགྲ་བོའི་མནར་གཅོད་ལུས་ལ་ཐིམ་ནས་རུས་པའི་གཏིང་དུ་ཟུག་གཟེར་རྒྱག་བྱུང་།།
རེ་བ་འབུམ་གྱི་ཕྱིར་མིག་ཀློང་ནས་ང་ཚོ་གཞོན་པས་རུ་དཔུང་སྒྲིག་འགྲོ།

སྐྱོ་གདུང་།

སྐྱོ་གདུང་། རྩོམ་པ་པོ། ཆབ་མདོ་ངག་དབང་ཕུན་ཚོགས།
༄༅།། མདོ་ཁམས་ཀྱི་སྐྱེ་རྒུ་མདོ་ལ།།
ས་ཡོམ་དེ་ཤུགས་ཆེར་བརྒྱབ་སྟེ།།
རང་རིགས་ཀྱི་སྤུན་ཟླ་དུ་མ།།
དུས་མིན་གྱི་རྐྱེན་འདས་ཤོར་སོང༌།།

གང་ན་ཡོད།

གང་ན་ཡོད། རྩོམ་པ་པོ། འཆམ་ར་དྲི་མེད་རྒྱལ་མཚན།
ཐང་བདེ་མོ་སེམས་ཀྱི་ཁ་རྒྱ་ཅན། །
ཆུང་བྱིས་པའི་མེ་ཏོག་འཐུ་ས་ཡིན། །
ངས་མེ་ཏོག་བརྒྱན་སའི་སྨན་ཆུང་དེ། །
དུས་དེང་སང་ས་ཕྱོགས་གང་ན་ཡོད། །

བསྐྱུར་ནས་ཐལ།

བསྐྱུར་ནས་ཐལ། རྩོམ་པ་པོ། ཅོ་རི་ཉི་མ།
གཡུ་དྲུག་དཀར་འོ་མའི་ཚོན་མདོག་ཅན།།
སྨན་བུ་མོའི་མགོ་ལ་ལོས་མཛེས་ཀྱང་།།
ཆུང་རྩེད་རའི་ནང་གི་བུ་ཆུང་དེས།།
གཡུ་བུ་མོ་གཉིས་ཀ་བསྐྱུར་ནས་ཐལ།།

ཨ་མར་འབོད་པ།

༈ ཨ་མར་འབོད་པ།  རྩོམ་པ་པོ། གཉན་མདང་ཕོ་ཉ།
༡ ཨ་མ་ལགས། ཨ་མ།
ངས་དྲན་བཞིན་པའི་ཨ་མ།
ཁྱེད་མེད་པའི་ས་མཐར་ནི་སྐྱ་སེང་ངེ་རེད།
སྤྲོ་སྣང་གི་ཁ་དོག་མི་འདུག

ནེའུ་ཡོག་སྐྱིད་ཀི་མ་བསམ།

༈ ནེའུ་ཡོག་སྐྱིད་ཀི་མ་བསམ།
                རྩོམ་པ་པོ། ཨ་རིག་འགྱུར་མེད།
ཨ་རིའི་ནེའུ་ཡོག་སྐྱིད་ཀི་མ་བསམ།།
སྒྲོ་ལོ་ཡོད་ན་ཕྱུག་གི་མ་བསམ།།
དལ་བརྒྱད་འབྱོར་བཅུའི་མི་ལུས་རིན་ཆེན།།
མོ་ཁོམ་གནས་ནས་རྒས་ས་ཡིན་སོང་།།

ཨ་མ་ལ་ཕུལ་བ

༈ ཨ་མ་ལ་ཕུལ་བ། རྩོམ་པ་པོ། འཆམ་ར་དྲི་མེད་རྒྱལ་མཚན།
 ཨ་མ་ལགས། ཨ་མ། ཨ་མ།
བུ་ཆུང་ས་མཐར་འཁྱམ་སོང་མ་བསམ་དང་།
ཁྱེད་དང་ཁ་ཐག་རིང་སོང་མ་བསམ་དང་།
བུ་ཆུང་གི་སེམས་པ་ནམ་ཡང་ཨ་མའི་པང་ན་ཡོད།

བརྗེད་མེད།

༈ བརྗེད་མེད།
                          རྩོམ་པ་པོ། འཆམ་ར་དྲི་མེད་རྒྱལ་མཚན།
མི་ཚེ་མི་ཡུལ་ནས་རྫོགས་ཀྱང་།།
ལྷ་སའི་ཇོ་བོ་དེ་བརྗེད་མེད།།
ཉལ་བའི་རྨི་ལམ་གྱི་ནང་ནས།།
མིག་ཆུའི་མཆོད་པ་རེ་ཕུལ་ཡོད།།

གདོང་དམར་བོད་པ།

གདོང་དམར་བོད་པ།
                 རྩོམ་པ་པོ། གཉན་པོ།
གདོང་དམར་བོད་འདི་བཙན་པོའི་རྒྱུད།།
དཔའ་ངར་བྲེ་སེར་འབྲོང་གི་སྤུན།།
རྟ་དམག་སྟོང་གི་ཟིལ་ཤུགས་ཀྱིས།།
ས་ཆེན་ཁྱོན་ལ་དབང་བསྒྱུར་མྱོང་།།

སེམས་ནང་གི་བུ་མོ།

༈ སེམས་ནང་གི་བུ་མོ།
              རྩོམ་པ་པོ། ལི་ཐང་ངག་དབང་དབྱིག་གཉེན།
ངའི་སྙིང་ཁོང་དུ་འཛུམ་པའི།།
ཡིད་འཕྲོག་སེམས་ཀྱི་ལྷ་མོ།།
རྒྱང་རིང་ཕྱི་གླིང་ཡུལ་ནས།།
བུ་ངས་ཁྱེད་རང་དྲན་སོང་།།

ང་མི་ཡུལ་ལ་འཁྱམ་དུས།

༄།། ང་མི་ཡུལ་ལ་འཁྱམ་དུས།
                         རྩོམ་པ་པོ། འཆམ་ར་དྲི་མེད་རྒྱལ་མཚན།
ཐོག་བརྩེགས་མཐོན་པོའི་རྒྱལ་སར་འགྲིམས་ཀྱང༌།
སྦྲ་ནག་གྲུ་བཞིའི་ཕ་ཁྱིམ་དེ་དྲན་ནས།
སེམས་པ་ཆུང་ཆུང་སྐྱིད་པོ་རང་མི་འདུག
གཞིས་ལུས་ཀྱི་སྤུན་ཟླ་ཚོ།

མ་བཅོས་སེམས་ཀྱི་དྲི་བ།

༈ མ་བཅོས་སེམས་ཀྱི་དྲི་བ།
  རྩོམ་པ་པོ་་་་་་་ཀླུ་སྨྱོན་ལགས།
དབུ་ཡི་སྐྲ་ལོ་རིང་བའི་ང་ཡི་གྲོགས་པོ་ལགས། །
ཁྱེད་རང་དེ་འདྲའི་ཕོ་གསར་རྫིག་མདོག་ཁ་བ་ལ། །
གྲོགས་པོ་ཁྱེད་རང་བོད་པའི་རིགས་རྒྱུད་ཨེ་ཡིན་ལགས། །
གལ་ཏེ་ཡིན་ན་བོད་སྐད་གཙང་མ་ཨེ་ཤེས་ལགས། །

སྤྲིན་པར་བསྐུར་བའི་གདུང་དབྱངས།

༈ སྤྲིན་པར་བསྐུར་བའི་གདུང་དབྱངས།
                      ་རྩོམ་པ་པོ་་་ཀླུ་སྨྱོན་ལགས།
དྲིན་ཅན་ཕ་མ་གངས་རིའི་ལྗོངས་སུ་བཞུགས། །
གཅེས་པའི་བུ་ཆུང་མི་ཡི་ལུང་བར་འཁྱམས། །
ཕ་མའི་བྱམས་བརྩེ་དྲན་ནས་མིག་ཆུ་ཤོར། །
ནམ་ཞིག་ཞལ་རས་མཇལ་བའི་སྨོན་ལམ་འདེབས། །

གངས་རིའི་བུ་མོའི་ལྡེམས་འགྱུར་རེ་རེས།

༈ གངས་རིའི་བུ་མོའི་ལྡེམས་འགྱུར་རེ་རེས།།
                             རྩོམ་པ་པོ། བྲག་མགོ་དཀོན་མཆོག་དར་རྒྱས།
འཛམ་གླིང་མཛེས་མའི་དོ་ཟླ་བྲལ་ཡང་།།
དུས་ངན་གཡོ་ཡི་བག་ཆགས་འགོས་ཚེ།།
བོད་མོ་ཡིན་ཡང་བལྟ་འདོད་མི་འདུག།

ཀ་མད་སུམ་ཅུའི་གླུ་དབྱངས།

༈ ཀ་མད་སུམ་ཅུའི་གླུ་དབྱངས།
                        རྩོམ་པ་པོ། ཨ་ཚོགས་བློ་བྷེ།
གངས་རི་དཀར་པོ་ང་ཚོའི་ལྕགས་རི་ཡིན།།
སྦྲ་ནག་གྲུ་བཞི་ང་ཚོའི་གཞིས་ ཁྱིམ་ཡིན།།
ཀ་ཁ་ག་ང་ང་ཚོའི་སྐད་ཡིག་ཡིན།།
ཅ་ཆ་ཇ་ཉའི་གླུ་དབྱངས་ང་ཚོས་ ལེན།།

གངས་དཀར་པོ།

 གངས་དཀར་པོ། རྩོམ་པ་པོ། འབའ་སྲས།
              ༼༡༽
གངས་དཀར་པོ། གངས་དཀར་པོ།
གངས་དཀར་པོ་ཉི་མ་ཤར་ས་རེད།
གངས་དཀར་པོ་འཇའ་ཚོན་བཀྲ་ས་རེད།
གངས་དཀར་པོ། གངས་དཀར་པོ། གངས་དཀར་པོ་ང་ཡི་ཕ་ཡུལ་རེད།

སྐྱེ་དགུའི་འགྲོ་ཚོགས་ལ་གྱེར་བའི་ངུ་ངག

༈ སྐྱེ་དགུའི་འགྲོ་ཚོགས་ལ་གྱེར་བའི་ངུ་ངག རྩོམ་པ་པོ།གངས་རིའི་གླིང་བུ།
དགུན་གྱི་ཉི་ཟླ་ཟུང་ནུབ་ཞིང་།།
འོག་གི་ས་གཞི་ཡོངས་འཇིག་པས།།
གནས་ས་བརྟེན་ས་རང་མེད་པའི།།
སྐྱེ་དགུ་འགྲོ་ཚོགས་ལ་སྙིང་རྗེ།།

བོད་མིའི་སྐྱིད་སྡུག་མཉམ་མྱོང་།

༆།།བོད་མིའི་སྐྱིད་སྡུག་མཉམ་མྱོང་།། རྩོམ་པ་པོ།ཏྲེའུ་སྐལ་བཟང་།
མིག་དང་རྣ་བ་མེད་པའི་སྔོ་བསངས་འོག།
ལས་དང་རླུང་རྟ་རྒུད་པའི་མི་རིགས་ཤིག།
ཤ་རྐང་རུས་གསུམ་བསེད་པའི་ཆགས་གྲུམ་ནང་།།
བོད་མའི་སྐྱིད་སྡུག་མཉམ་མྱོང་བརྗེད་ཐབས་བྲལ།།

མཛའ་མོ་དྲན་པའི་གླུ་དབྱངས།

༇། །མཛའ་མོ་དྲན་པའི་གླུ་དབྱངས། རྩོམ་པ་པོ།ཏྲེའུ་སྐལ་བཟང་།
མོག་མོག་ཟླ་འོད་འོག་གི། ། དངས་གསལ་ཆུ་ཕྲན་འགྲམ་ནས།།
ང་དང་སྙིང་སྡུག་མཛའ་མོའི། །འདས་སོང་ལོ་ཟླ་དྲན་སོང་།།

སྐྱེ་དགུའི་གོད་ཆག་ལ་ཕུལ་བ།

༈ སྐྱེ་དགུའི་གོད་ཆག་ལ་ཕུལ་བ། རྩོམ་པ་པོ།གནམ་ལྕགས།
རྒྱང་རིང་རྒྱང་རིང་མ་གསུང་།།
རྒྱལ་བ་ཡེ་བཞིན་ནོར་བུའི།།
བྱམས་བརྩེའི་ཕྱག་ཟུང་རིང་མོ།།
གཞིས་ལུས་སྤུན་ཟླར་བསྲིངས་ཡོད།།

རྗེས་དྲན་གྱི་གདུང་དབྱངས།

༄༅། །རྗེས་དྲན་གྱི་གདུང་དབྱངས།རྩོམ་པ་པོ།འཆམ་ར་དྲི་མེད་རྒྱལ་མཚན།
༄། །སེང་དཀར་མོ་འཁོར་ས་གངས་ཀྱི་རི།།
གངས་མེ་ཏོག་བཞད་ས་ཁ་བའི་ལྗོངས།།
ཁྱེད་མེད་པའི་ས་ནག་སྐམ་པོ་ནས།།
སེང་དཀར་མོའི་མིག་མཐའ་མཆིལ་མ་རེད།།
༧བླ་མ་མཁྱེན་ནོ། གྲུབ་དབང་པདྨ་ནོར་བུ་མཁྱེན་ནོ།།

འབྲུག་ཆུ་བ། སྤོབས་པ་བསྐྱེད་ཅིག

འབྲུག་ཆུ་བ། སྤོབས་པ་བསྐྱེད་ཅིག རྩོམ་པ་པོ།ཤ་ཁྲག་རུས་གསུམ།
དུས་ཚིགས་ཀྱི་སྔ་གཞུག་དེར
མི་སེམས་ཀྱི་རྣམ་ཤེས་བསྡུས་པའི་ནངས་མོ་དེར
རིགས་ཞེན་གྱི་ན་ཟུག་གིས་སློང་པའི་ང་ཚོས
གོད་ཆག་ཁྲོད་ཀྱི་འབྲུག་ཆུའི་མི་དམངས་དྲན
སྡུག་ཡུས་ཀྱི་སྨྲེ་བསྔགས་ཐོས

འུར་ལྷང་ལྷང་།

འུར་ལྷང་ལྷང་།རྩོམ་པ་པོ།གཅེན་པོ།
༈ ཚ་དྲོད་འཕེལ་བས་གངས་དཀར་རི་བོའི་དངུལ་ཆུ་འོད་འཚེར་འཚེར།།
རང་དབང་བྲལ་བས་གངས་ཅན་བོད་མིའི་སེམས་པ་གྲང་མེར་མེར།།
ས་མཐར་འཁྱར་བས་རང་ཡུལ་གངས་ཅན་ཡིད་ལ་དྲན་ལྷང་ལྷང་།།
མཉམ་འཛོམ་རེ་བས་དུས་ཀུན་རེ་བའི་གསོལ་འདེབས་འུར་ལྷང་ལྷང་།།

གཙེས་སོང་།

གཞས་མིང་། གཙེས་སོང་། རྩོམ་པ་པོ། རྨེའུ་དཀོན་རྒྱམ།
 ༡༽ ཉི་མ་སེར་བོའི་འོད་ཀྱིས། །
འཛམ་གླིང་བསྐོར་བ་རྒྱབ་དུས། །
ཉི་འོད་མེད་པའི་མཐོ་སྒང༌། །
གྲང་རླུང་བཙན་པོས་གཙེས་སོང༌། །

རྒྱང་རིང་གི་སྙིང་སྡུག་ལ་ཕུལ་བ།

རྒྱང་རིང་གི་སྙིང་སྡུག་ལ་ཕུལ་བ།རྩོམ་པ་པོ།བྲག་གཡབ་ཚེ་དབང་མཐར་ཕྱིན།
སྙིང་སྡུག་བྱིའུ་ཆུང་འཇོལ་མོའི། །
གསུང་སྐད་ཚངས་པའི་གསུང་དབྱངས། །
མ་ཐོས་ཞག་གསུམ་དེ་ནི། །
ལོ་གསུམ་ལས་ཀྱང་རིང་བ།

རྒྱང་རིང་གི་མཛའ་མོ།

རྒྱང་རིང་གི་མཛའ་མོ།རྩོམ་པ་པོ། ཁ་སྒང་བསམ་གཏན་རྒྱ་མཚོ།
 མ་མཇལ་རྒྱང་རིང་གི་མཛའ་མོ།
དྭངས་གསལ་མཚོ་ངོགས་ཀྱི་ཟླ་བ།
ཟླ་བར་འོད་ཁ་དེ་མེད་ཀྱང་།
མཛའ་མོ་བདག་སེམས་ནས་འོད་འཚེར་འཚེར།

གྱེས་གདུང་།

གྱེས་གདུང་།རྩོམ་པ་པོ། འབའ་སྲས
                      ༼༡༽
རི་ཚོགས་དང་མཆི་མས་བདག་གི་མིག་མཐའ་བརླན།
གྱེས་གདུང་གི་རལ་གྲིས་བདག་ཡིད་ལན་བརྒྱར་གཤགས།