ང་མི་ཡུལ་ལ་འཁྱམ་དུས།

༄།། ང་མི་ཡུལ་ལ་འཁྱམ་དུས།
                         རྩོམ་པ་པོ། འཆམ་ར་དྲི་མེད་རྒྱལ་མཚན།
ཐོག་བརྩེགས་མཐོན་པོའི་རྒྱལ་སར་འགྲིམས་ཀྱང༌།
སྦྲ་ནག་གྲུ་བཞིའི་ཕ་ཁྱིམ་དེ་དྲན་ནས།
སེམས་པ་ཆུང་ཆུང་སྐྱིད་པོ་རང་མི་འདུག
གཞིས་ལུས་ཀྱི་སྤུན་ཟླ་ཚོ།


ང་མི་ཡུལ་ལ་འཁྱམ་དུས།
ཤར་ནུབ་ཡུལ་གྱི་མི་དང་འགྲོགས་ཀྱང༌།
ཞེ་མཐུན་སྙིང་གི་སྤུན་ཟླ་ཚོ་དྲན་ནས།
སེམས་པ་ཆུང་ཆུང་སྐྱིད་པོ་རང་མི་འདུག
 གཞིས་ལུས་ཀྱི་སྤུན་ཟླ་ཚོ།
ང་མི་ཡུལ་ལ་འཁྱམ་དུས།
 དཀར་ནག་ཡུལ་གྱི་ཁ་ཟས་ལ་སྤྱད་ཀྱང༌།
མར་དང་རྩམ་པའི་བྲོ་བ་དེ་དྲན་ནས།
སེམས་པ་ཆུང་ཆུང་སྐྱིད་པོ་རང་མི་འདུག
གཞིས་ལུས་ཀྱི་སྤུན་ཟླ་ཚོ།

No comments:

Post a comment