ཀ་ཁའི་གླུ་དབྱངས།

༈ ཀ་ཁའི་གླུ་དབྱངས། རྩོམ་པ་པོ། འཆམ་ར་དྲི་མེད་རྒྱལ་མཚན།
ཀ་ཁ་ག་ངས་ང་ཚོའི་རུས་པ་གྲུབ་ཡོད།།
ཅ་ཆ་ཇ་ཉས་ང་ཚོའི་ཟུངས་ཁྲག་སྐྱེད་ཡོད།།
ཏ་ཐ་ད་ནས་ང་ཚོའི་མི་ཚེ་བཟོས་ཡོད།།
པ་ཕ་བ་མས་ང་ཚོ་ད་ལྟ་གནས་ཡོད། །
བོད་སྐད་བསྐྱོན་དང་། བོད་ཡིག་སྦྱོངས་དང་།
སྐྱེ་བ་འདི་བོད་རིགས་ཡིན། བོད་མི་རིགས་ཡི་གེ་བོད་ཡིག་རེད།
བོད་སྐད་བསྐྱོན་དང་། བོད་ཡིག་སྦྱོངས་དང་།
མི་ཚེ་འདི་ཕ་མས་བྱིན། དྲིན་ཕ་མའི་སྐད་དེ་བོད་སྐད་རེད།
ཀ་ཁ་ག་ང་། ཅ་ཆ་ཇ་ཉ། ཏ་ཐ་ད་ན། པ་ཕ་བ་མ།

ཙ་ཚ་ཛ་ཝས་ང་ཚོའི་ལོ་རྒྱུས་ཉར་ཡོད།
ཞ་ཟ་འ་ཡས་ང་ཚོའི་རིག་གཞུང་བཟུང་ཡོད།
ར་ལ་ཤ་སས་ང་ཚོར་སྤོབས་པར་བྱིན་ཡོད།
ཧ་ཨ་གཉིས་ཀྱིས་ང་ཚོ་གཅིག་ཏུ་སྒྲིལ་ཡོད།
བོད་སྐད་བསྐྱོན་དང་། བོད་ཡིག་སྦྱོངས་དང་།
སྐྱེ་བ་འདི་བོད་རིགས་ཡིན། བོད་མི་རིགས་ཡི་གེ་བོད་ཡིག་རེད།
བོད་སྐད་བསྐྱོན་དང་། བོད་ཡིག་སྦྱོངས་དང་།
མི་ཚེ་འདི་ཕ་མས་བྱིན། དྲིན་ཕ་མའི་སྐད་དེ་བོད་སྐད་རེད།
ཙ་ཚ་ཛ་ཝ། ཞ་ཟ་འ་ཡ། ར་ལ་ཤ་ས། ཧ་ཨ།
༢༠༡༢་༧་༢༤ ཉིན།

No comments:

Post a comment