གང་ན་ཡོད།

གང་ན་ཡོད། རྩོམ་པ་པོ། འཆམ་ར་དྲི་མེད་རྒྱལ་མཚན།
ཐང་བདེ་མོ་སེམས་ཀྱི་ཁ་རྒྱ་ཅན། །
ཆུང་བྱིས་པའི་མེ་ཏོག་འཐུ་ས་ཡིན། །
ངས་མེ་ཏོག་བརྒྱན་སའི་སྨན་ཆུང་དེ། །
དུས་དེང་སང་ས་ཕྱོགས་གང་ན་ཡོད། །
རྡོ་ཆུང་ཆུང་མིག་ནང་མཛེས་པོ་མ། །
ཆུང་བྱིས་པའི་རྩེ་རོགས་སྒྲིག་ཆས་ཡིན། །
ངའི་རྡོ་རྭའི་ནང་གི་སྨན་ཆུང་དེ། །
དུས་དེང་སང་ས་ཕྱོགས་གང་ན་ཡོད། །

གཡུ་དྲུག་དཀར་བུ་མོའི་རྣ་རྒྱན་ཅན། །
ཆུང་བྱིས་པའི་ལག་རྟགས་དང་པོ་ཡིན།་།
ངས་གཡུ་ཆུང་ཕུལ་སའི་སྨན་ཆུང་དེ། །
དུས་དེང་སང་ས་ཕྱོགས་གང་ན་ཡོད། །

No comments:

Post a Comment