ཕོ་བྲང་ཆེན་མོ་པོ་ཏཱ་ལ།

༈ ཕོ་བྲང་ཆེན་མོ་པོ་ཏཱ་ལ། རྩོམ་པ་པོ། འཆམ་ར་དྲི་མེད་རྒྱལ་མཚན།
བཙན་པོའི་སྙིང་སྟོབས་ཀྱིས་བཞེངས་པའི།
བོད་མིའི་སྤོབས་པ་རུ་བཞུགས་པའི།
གངས་དཀར་རི་བོ་ལྟ་བུའི་པོ་ཏཱ་ལ།
རླུང་བུ་འུར་འུར་ལྡང་དུས། དར་ལྕེ་ཤིག་ཤིག་སྤུར་དུས།
ཁྱེད་ཀྱི་སེམས་ལ་ཅི་ཞིག་སྒོམ་ཡོད།
ཁྱེད་ཀྱི་སྤྱན་ལ་གང་ཞིག་ཐོགས་ཡོད།
ང་ཡི་སེམས་ཀྱི་སྨོན་འདུན། ཁྱེད་ཀྱི་སྒོ་རྩར་སྤུངས་ཡོད།
ང་ཡི་སེམས་ཀྱི་འབོད་ས། ཕོ་བྲང་ཆེན་མོ་པོ་ཏཱ་ལ།

སེམས་ཀྱི་ཞིང་ཁམས་ན་བཞེངས་པའི།
དུས་ཀྱི་དཔང་པོ་རུ་བཞུགས་པའི།
བྱུ་རུའི་ཕོ་བྲང་ལྟ་བུའི་པོ་ཏཱ་ལ།
འབྲུག་སྒྲ་ལྡིར་ལྡིར་གྲགས་དུས། ཆར་བ་ཐར་ཐར་འབབ་དུས།
ཁྱེད་ཀྱི་སེམས་ལ་ཅི་ཞིག་སྒོམ་ཡོད།
ཁྱེད་ཀྱི་སྤྱན་ལ་གང་ཞིག་ཐོགས་ཡོད།
ང་ཡི་སེམས་ཀྱི་སྨོན་འདུན། ཁྱེད་ཀྱི་སྒོ་རྩར་སྤུངས་ཡོད།
ང་ཡི་སེམས་ཀྱི་འབོད་ས། ཕོ་བྲང་ཆེན་མོ་པོ་ཏཱ་ལ།
2015-4-29 ཉིན།

No comments:

Post a comment